లక్ష్మీశాన విధీంద్ర చంద్ర మకుటాద్యష్టాంగ పీఠశ్రితాం
సూర్యేందగ్ని మయైక పీఠనిలయాం త్రిస్థాం త్రికోణేశ్వరీం
గోప్త్రీం గర్వనిగర్వితాం గగనగాం గంగాం గణేశప్రియాం
శ్రీచక్ర ప్రియబిందు తర్పణపరాం శ్రీ రాజరాజేశ్వరీం ||
హ్రీం కూటత్రయ రూపిణీం సమయినీం సంసారిణీం హంసినీం
వామాచార పరాయణీం సుకులజాం బీజావతీం ముద్రిణీం
కామాక్షీం కరుణార్ర్ధ చిత్తసహితాం శ్రీం శ్రీం త్రిమూర్త్యంబికాం
శ్రీచక్ర ప్రియబిందు తర్పణపరాం శ్రీ రాజరాజేశ్వరీం ||
యా విద్యా శివకేశవాది జననీ యావై జగన్మోహినీ
యా బ్రహ్మాది పిపీలికాంత జగదానంధైక సంధాయినీ
యా పంచ ప్రణవద్వి రేఫనళినీ యా చిత్కళామాలినీ
సాపాయాత్ పరదేవతా భగవతీ శ్రీ రాజరాజేశ్వరీ
Subscribe to:
Post Comments (Atom)
0 వినదగు నెవ్వరు చెప్పిన..:
Post a Comment